Hindi raw palaging negatibo, beshy... Takot, nakakatulong para mailigtas ang buhay

Gulat ka 'noh?!

Kapag takot ang pi­nag-uusapan, wala tayong ibang naririnig kundi mga ne­gatibong bagay. Well, hin­di naman natin ‘yun maiiwa­san, pero alam n’yo ba na ang takot ay may po­siti­bong dulot din? Ayon sa mga eksperto, ang takot ay maaaring mag­ligtas o maging sanhi ng pagkama­tay ng indibidwal. Paano?

Ang takot ay maaaring ma-overcome at maaari ring lumala o mauwi sa phobia. At kapag lumala, maaari itong maging sanhi ng pagiging hirap sa pagtulog, pananalita, pag-iisip at pagkatuto.

Ngunit ang ta­ong hindi mada­las makaramdam ng takot ay hindi na nakararanas ng ganitong mga sin­to­mas at makai­iwas sa phobia at mental illness tulad ng schizophrenia. Ang schizophrenia ay mental disorder na sumisira sa pag-iisip, emosyon at thought ng tao.

Samantala, ayon sa mga eksperto, ang takot ay may positibong dulot o nakatutulong sa iba’t ibang sitwasyon. Halimbawa, nasusunog ang bahay mo at dahil sa takot ay nakapagbuhat ka ng mabigat at nakatakbo palabas sa bahay. Dahil sa takot, tumataas ang adrenaline kaya lumalakas ang muscles at nakapag-iisip nang mabilis. Ang adrenaline ay hor­mone na tumataas kapag nakararamdam ng stress, takot o excitement ang indibid­wal.

Bukod pa rito, napag-alaman ng mga eksperto na may iba‘t ibang ginagam­panan ang takot na makatutulong sa atin. Ang takot ay puwedeng maging moti­bas­yon. Halimbawa, pakiramdam ng in­dibidwal na hindi siya ligtas sa kanyang lu­gar kaya natatakot siya na may mang­yaring ma­sama sa kanya kaya ito ang nagiging motibasyon niya para huma­nap ng mas ligtas na lugar at makaiwas sa panganib.

Gayundin, dahil sa negatibong na­ka­raan na naging sanhi ng takot, ipina­aalala nito na ma­ging maingat sa su­sunod na gaga­win. Tulad ng na­bang­git, ang takot ay na­kapagpapa­taas ng adrenaline kung saan guma­gana ang isip at na­kakagawa ng mga solusyon nang kal­mado. Bu­kod pa rito, ang takot ay na­katutulong din para malaman kung tayo ay nasa panganib at makapag-isip ng paraan para makaligtas.

Ang orientation signal naman ang in-charge kapag tayo ay nakadarama ng takot. Dahil dito, ang danger signal ay ma­bilis na pumupunta sa utak at nag­sasabi kung paano tayo kikilos at ga­gawa ng paraan para makaligtas sa pa­nganib. At ang huli ay may kinalaman sa social o pakikisama kung saan dahil sa takot mahusgasan ng ibang tao, iti­natago mo ang tunay mong pagkatao.

Mga ka-Bulgar, normal lang na ma­kadama ng takot dahil sa totoo lang, hin­di sa lahat ng pagkakataon ay ne­gatibo ang naidudulot nito. Tulad ng na­­bang­git, maaari nitong mailigtas ang ating buhay, gayundin, maaari itong ma­ging leksiyon sa mga hindi magandang ka­ranasan upang tayo at maging ma­ingat. Okie?