Narcolist, hindi kayang ilabas ng PDEA, VP Leni, sinibak na lang
SINIBAK SI VP LENI IMBES NA BIGYAN NG “DRUG LIST” — Kung sinuman ang nagpayo kay P-Duterte na sibakin si VP Leni Robredo bilang co-chairman ng Inter-Agency Committee on Anti-Illegal Drugs (ICAD) ay sablay.
Itinaon ang pagsibak habang nasa kainitan ng isyung pagtanggi ni PDEA Director Aaron Aquino na bigyan si VP Leni ng hinihingi nitong ‘narcolist’ o listahan ng mga bigtime drug lord.
Kaya naman naghinala ang publiko na baka may nais pagtakpan ang kasalukuyang administrasyon sa mga nasa “drug list” kaya imbes na bigyan ng kopya ay sinibak na lang sa ICAD ang bise-presidente, period!
◘◘◘
‘BATMAN’ AT ‘ROBIN’, LIDER NG MGA ‘TONGPATS’ COLLECTOR SA CALABARZON — Dalawa raw ang lider ng mga parak na “tongpats” collector sa CALABARZON at sila ay sina alyas Batman Morante at Robin Villareal.
Hanep, gumamit pa ng superhero names ang dalawang ito para lang kumita sa “tongpats” sa mga ilegalista, mga buwisit!
◘◘◘
MAY ‘NO TAKE POLICY’ PERO ‘TONGPATS’ COLLECTIONS, TULOY PA RIN — Umaabot daw sa P900 K weekly payola ang iniintrega ng isang “Uraga” kina “Batman” at “Robin” kapalit ng proteksiyon sa raket na STL-bookies nina “Haruta” at “Amante” sa San Pablo City; “Edu” sa Sta. Rosa City at Biñan City; “Tita” sa Calamba City; “Jason” sa 4th District; “Ocel” sa 3rd District; “Fajardo Brothers” sa 2nd District at “Toce” sa iba pang lugar sa Laguna.
Hay naku, may “pa-no take policy” pang nalalaman si PNP-OIC Lt. Gen. Archie Franciso Gamboa, ‘yun pala, tuloy pa rin ang “tongpats” collections, pwe!
Comments