Mga kolektor ng tongpats at gambling lords, nakakalusot pa rin kay P-Digong
Pinahuhuli ANG MGA TAMBAY AT NAGBI-VAPE, PERO ‘NGANGA’ SA MGA ‘TONGPATS’ COLLECTOR AT GAMBLING LORDS—Iniutos noon ni P-Duterte kay ex-PNP Chief Gen. Oscar Albayalde na dakpin ang mga istambay at ngayon, iniutos na rin niya kay PNP-OIC Lt. Gen. Archie Francisco Gamboa na dakpin ang mga nagbi-vape sa bansa.
Kaugnay ng mga panghuhuli na ‘yan, kailan naman kaya iuutos ni P-Duterte sa PNP na “tokhangin” ang mga “tongpats” collectors at gambling lords? Abangan!
◘◘◘
KAILAN BUBUGBUGIN NI GEN. DANAO ANG MGA PULIS NA “TONGPATS” COLLECTOR? —Ibinida ni P-Duterte ang kababayan niyang si PNP-Region 4-A Director Gen. Vicente Danao, Jr. na matigas daw ito at nambubugbog ng mga iskalawag na pulis, indikasyon na tila isa ito sa mga pinagpipilian niya na maging PNP chief.
Ganu’n, eh, bakit hindi pa bugbugin ni Gen. Danao ang mga “tongpats” collectors na sina “Chan” ng Cavite, “Uruga” ng Laguna, “Florence” ng Batangas, “Milan” ng Rizal at “Juancho” ng Quezon? Boom!
◘◘◘
“DAVAO GROUP”, NASA LIKOD DAW NG JUETENG NI “ARIZA” SA CAVITE? —Katropa raw ni “Ariza” ang ilang miyembro ng “Davao Group” at ito raw ang dahilan kaya untouchable ang kanyang jueteng sa jurisdiction nina Gov. Jonvic Remulla at PD Col. William Segun.
Baka imbestigahan ng Senado ang “Davao Group” sa pangne-name drop ni “Ariza” kasi ganyan din ang nangyari noon, iginisa ng mga senador si Customs fixer Mark Taguba nang sabihin nitong “Davao Group” ang protektor ng mga smugglers sa Adwana, period!
◘◘◘
COL. “ARIZA” SIBAK, KAILAN NAMAN KAYA AAKSIYON SI GEN. DANAO SA ISA PANG “ARIZA” NA MAY PA-JUETENG SA CAVITE?—Sinibak ni PNP-R4 Chief Gen. Danao sa puwesto si Lucena City Police Chief Col. Reydante Ariza dahil “tutulug-tulog daw sa pansitan” ang ilang pulis nito sa lungsod.
Ngayong sibak na sa puwesto si Col. Ariza, kailan naman kaya gagawa ng aksiyon si Gen. Danao sa isa pang “Ariza” na may raket na jueteng sa Cavite? Abangan!
Comments