Mister na utak sa pagpatay sa asawa’t anak, arestado

Photo: GMA News

Tiklo ng Sta. Rosa City Police Station ang sinasabing mastermind sa pagpatay sa kanyang asawa at anak sa Bonifacio Global City, Taguig City.

Sa bisa ng warrant of arrest na inilabas ng korte, kasong double parricide ang isinampang kaso laban sa akusadong si Ricardo Sta. Ana, 32, at No. 1 Most Wanted ng nasabing lungsod.

Matatandaang, noong March 18, 2016 pinatay ng mga gunman na sina Bryan Infante at Ramoncito Calo ang mga biktimang sina Pearl Helen Bon Sta. Ana at ang kanyang 2-anyos na anak na lalaki. Sa follow-up operation ng pulisya matapos isagawa ang krimen ay naaresto ang mga suspek.

Itinuro nilang mastermind sa pagpatay ang mismong asawang si Ricardo na siyang nag-utos upang patayin ang mga biktima at may palatandaan pang ginahasa pa ang misis nito.

Nakakulong na sa kasalukuyan ang mga akusado.