15-anyos nilasing, ni-rape ng kapitbahay

Arestado ang 30-anyos na lalaki matapos umanong gahasain ang 15-taong gulang na kapitbahay sa Iligan City.

Kinilala ang suspek na si Joel Madrazo, fish vendor, residente ng Bgy. Tambacan.

Batay sa report kay Police Major Abogado Mautin, gabi ng Martes nang maganap ang insidente sa bahay ng suspek.

Bago ang panghahalay, niyaya umano ng suspek ang biktimang si ‘Noemi’ na makipag-inuman sa kanya dahil birthday umano nito.

Pumayag naman ang biktima at nakipag-inuman sa suspek sa labas ng bahay nito.

Gayunman, nang makaramdam ng pagkahilo dahil sa ininom nilang alak ay agad umanong dinala ng suspek ang biktima sa loob ng bahay at doon ginahasa.

Nagawang makatakas ng biktima nang magpaalam na ito sa suspek na uuwi na subalit, lingid sa kaalaman nito ay dumiretso sa pulisya ang una para isumbong ang pangyayari.