GF nakaaway.. Teenager, nagbigti ng kable ng mic

Isang college student ang nagbigti gamit ang kable ng mikropono kahapon ng umaga sa Sampaloc, Manila.

Dead-on-arrival sa Ospital ng Sampaloc ang biktimang si ‘Gil’, 18, 1st year college sa National Teacher College na may kursong BS-IT.

Batay sa imbestigasyon ni PMSg. Mark Daniel de Guzman, alas-6:50 ng umaga nang madiskubre ng kanyang ina ang pagpapakamatay nito.

Isinugod pa ang biktima sa ospital ngunit, idineklarang patay alas-7:27 ng umaga.

Sa impormasyong nakuha ng pulisya, isa sa maaaring dahilan ng pagpapakamatay ng biktima ay ang sinasabing hindi pagkakaunawaan sa pagitan nito at ng kanyang nobya.