Inilaglag nina Vhong at Billy… John Lloyd, late na, napipikon pa 'pag binabago ang choreo ng say

Vinia Vivar / Frankly Speak

Photo: @billycrawford

Pinagtripan nina Vhong Navarro, Billy Crawford and Luis Manzano si John Lloyd Cruz sa guesting ng tatlo sa Ma­gandang Buhay. Dati kasi si­lang magkakasama sa gru­pong Kanto Boys ng A.S.A.P. at nag-recall ang mga nasabing Kapa­milya stars ng mga experiences nila sa grupo with Lloydie.

Kuwento ni Billy, may ilang beses daw na nagtampo sa kanila si Lloydie dahil lagi nilang bina­bago ang choreography sa mga production numbers nila sa ASAP.

Sina Vhong at Billy ang ma­dalas magbago ng choreo at the last minute komo nga mga dancers naman talaga ang dalawa.

“Nabubuwisit siya kasi nag-aral sila (ni Luis) nang maaga (sa rehearsal), tapos, babaguhin namin (ni Billy) ‘pag kami ang nahuli, so mag-a-adjust na naman. So, kaya kami, du’n daw nagkakamali,” kuwento ni Vhong.

Dagdag naman ni Billy, “Si Lloydie, siyempre, nagso-soap siya. Nagmu-movies, ang daming ginagawa, eh. Late ‘yun ‘pag call time namin, mga 7:30, 8 o’clock, darating ‘yun, mga 9:30, 10 o’clock, tapos papasok, naka-shades, dire-diretso sa amin ‘yun, ‘O, musta, musta?’”

Bigla raw sasabihin ni Vhong na may binago na naman sa choreography kaya naiinis na raw ang aktor.

Pagkatapos ilaglag si JLC (in a funny way naman), sa huli ay sinabi ng tatlo na “We love you, Lloydie! We miss you, bro!”