Vp Leni, kumasa na sa hamon ni P-Du30 na maging anti-drug queen

Tinanggap na ni VP Leni ang “kunwaring” alok bilang anti-drug queen.

Siyempre, kunwari rin ang kanyang pagtanggap!

◘◘◘

MAHIRAP talagang mabuhay sa gitna ng mga mapagbalatkayo.

Plastik vs. plastik!

◘◘◘

PINATAY ang isang huwes sa La Union.

Nauna rito, tinepok ang isang labor arbiter sa Maynila.

Isang pulis naman ang tinodas sa Kyusi.

Ito ay naganap sa magkakasunod na araw!

◘◘◘

MAKIKITA na “wala nang batas” sa ‘Pinas.

Wala kasing hepe ang Pambansang Pulisya!

◘◘◘

HINDI na natatakot ang mga kriminal na gumawa ng karumal-dumal na krimen.

Ito ay naganap sa buong bansa — Metro Manila man o hindi!

◘◘◘

HINDI na dapat itengga ni P-Digong ang pagtatalaga sa bagong hepe ng PNP.

Senyales ito ng kahinaan ng kanyang disposisyon!

◘◘◘

ANG pagtengga ni P-Digong sa pagtatalaga ng hepe ng PNP ay repleksiyon ng paghina ng kayang liderato.

Dapat nananatiling malinaw ang disposisyon ni P-Digong.

Hindi siya dapat nagpapadikta sa kanyang mga “amuyong”!

◘◘◘

DAPAT parusahan ang dalawang water distributor companies.

Niloloko nila ang publiko!

◘◘◘

NAKAKAAWA ang mga biktima ng lindol sa Mindanao.

Marami pa rin ang nanlilimos!

. .