Pinasok sa bahay.. 16-anyos na dalagita niratrat, utas

Patay ang 16-anyos na dalagita matapos pasukin at pagbabarilin sa loob ng bahay nito sa Bgy. Mandurriao, Iloilo City, kamakalawa.

Isang tama ng bala ng baril sa katawan ang tumapos sa buhay ng biktimang si Noemi Mana-ay habang pinaghahanap pa ang mga suspek.

Nabatid sa report kay Police Col. Martin Defensor, Jr., nasa kusina ang biktima nang pasukin at pagbabarilin ng mga salarin pasado alas-9:00 kamakalawa ng gabi.

Ayon kay Mandurriao Police Precinct Commander Major Marlon Valencia, away ng angkan ang posibleng isa sa motibo ng krimen.

Napag-alaman na nakakulong ang ama ng biktima dahil nakapatay ito may tatlong taon na ang nakalilipas.