P4,000 multa, bawi-lisensiya sa maingay na tambutso
- Gina Pleñago
- Nov 5, 2019
- 1 min read
Ipinagbabawal sa Lungsod ng Pasay ang maingay na tambutso sa anumang uri ng mga sasakyan kabilang ang mga motorsiklo at tricycle.
Pinaalalahanan ni Pasay City Mayor Imelda ‘Emi’ Calixto-Rubiano, nakasaad ito sa Pasay City Ordinance 6009 o “Anti-Modified Tail Pipe Ordinance of Pasay City” na isinabatas noong Hunyo 2019.
Sadyang may silencer ang mga tambutso upang mabawasan ang ingay ng makina nito gayunman, marami ang tinatanggal at pinapalitan ng maiingay.
Sinumang mahuhuling lumabag ay pagmumultahin ng P2,000 hanggang P4,000 at maaari ring kanselahin ang lisensiya o prangkisa.
Comments