'Di raw nagbayad makawala lang sa kontrata… James, kinumpirmang siya ang lumayas sa Viva

Vinia Vivar / Frankly Speak

Finally ay nagsalita na rin si James Reid sa dahilan ng pag-alis niya sa Viva. Ayon sa aktor sa kanyang panayam sa Tonight with Boy Abunda, nag-end na raw kasi ang kanyang kontrata sa nasabing kumpanya.

“The contract has ended but I’m moving on to other things. I’m explo­ring my career in another way. I’ve just moved on,” pahayag ni James.

Kahit umalis na siya sa Viva, aniya, “We’re still in very good terms.”

Sinabi rin ng aktor na malaki ang utang na loob niya sa Viva at kay Boss Vic del Rosario, Viva’s big boss.

“I owe a lot to Viva and Boss Vic for what they have done to me in the past but I just feel like it’s time for me to try something else, I wanna go in dif­ferent direction,” he said.

Hindi naman daw ma­sa­sabing goodbye na talaga ito for him and Viva and in fact, masaya raw si Boss Vic para sa kanya.

“I’m glad that things ended the way they did.”

When asked kung nag-uusap pa sila ni Boss Vic, aniya ay ang daddy niya ang mas kausap nito dahil close raw ang dalawa.

Nilinaw din ni Kuya Boy Abunda kung totoo bang nagkaroon ng buy-out sa nalalabing kontrata niya sa Viva at ani James ay hindi ito totoo.

“No, no, it just ended. And I didn’t renew,” aniya.

Nilinaw din ng aktor na wala raw nagma-manage sa kanya ngayon.