Kahit kambal pa… Korina, umaming magkaibang-magkaiba ang ugali ng mga anak nila ni Mar

Vinia Vivar / Frankly Speak

Photo: @korina

Sobrang happy din and proud na proud si Korina Sanchez sa na­tang­gap na Best Magazine Show and Best Magazine Show Host awards sa naka­raang 33rd PMPC Star Awards for TV para sa kanyang Rated K.

Feeling daw niya ay 25 yrs. old siya ulit at bagama’t nanalo na rin siya before ng nasabing dalawang awards, indescribable pa rin daw ang feeling up to now.

Wish niya nga na sana raw ay maka­tanggap pa rin siya ng awards ka­pag malaki na ang twins niya na sina Pepe & Pilar.

“Sana naman, sa lifetime ng mga anak ko, makapanalo pa rin ako ng mga awards para masabi naman nila na ‘Uy, buhay na ako nu’ng mga pa­nahon na ‘yun, nanalo pa rin ang nanay ko!’” masayang wika ni Korina nang makausap namin matapos ni­yang tumanggap ng award.

Aniya, ang lahat ng ginagawa niya ngayon ay para sa kanyang dalawang anak at gusto niyang mag-set ng ma­gandang example sa mga ito.

Magkaiba raw ang ugali ng kan­yang 2 anak. Medyo happy-go-lucky daw si Pepe habang si Pilar ay med­yo suplada, pero hindi raw dapat sabihin sa bata ‘yun.

First Halloween nga ng mag-asawang Korina and Mar Roxas with the kids ngayong Nov. 1 at pinag-uu­sapan na raw nila kung ano ang kanilang gagawin.