Welder, kailangan munang mag-training bago makapagtrabaho
Dear Chief Acosta, Nag-apply ako bilang welder at bago pa lang ako sa trabahong ito. Sinabihan kami na kailangan daw naming um-attend ng training tungkol sa safety at personal protective equipment (PPE). Tama ba ito? — Rene
Dear Rene, Para sa inyong kaalaman, ang inyong suliranin ay tinatalakay sa Department Order No. 198,
Series of 2018 o Implementing Rules and Regulations of Republic Act No. 11058 entitled “An act strengthening compliance with occupational safety and health standards and providing penalties for violations thereof”. Nabanggit sa nasabing batas na:
“Section 6. Safety and Health Training.
xxx xxx xxx
c. All personnel engaged in the operation, erection and dismantling of equipment and scaffolds, structural erections, excavations, blasting operations, demolition, confined spaces, hazardous chemicals, welding, and flame cutting shall undergo specialized instruction and training on said activities. Such training shall include, among others, topics on safety and specialized PPE requirements for said high-risk activities, including the use, application and handling of the same, which can be provided by DOLE, DOLE-Accredited Training Organization of the PPE manufacturers.” (Binigyang-diin)
Samakatwid, lahat ng mga manggagawa na ang trabaho ay may kinalaman sa mga nabanggit sa itaas, kabilang na ang pagiging welder ay kinakailangang sumailalim sa pagsasanay tungkol sa kaligtasan sa pagawaan at personal protective equipment (PPE).
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa patuloy ninyong pagtitiwala.
Comments