Talim ng Bawat Salita Ni: Lovely Joy Socias del Rosario

What's IN, ka-Bulgar

Ang mga salita’y bumubuhay,

sa dugo natin ay nananalaytay.

Subalit may mga salitang nakamamatay,

sa puso at laman ay lumalatay.

Sa katahimikan ng batis,

himig ng tubig ang namamayaning marinig,

at sa tangkang pagsira ng tahimik na batis,

kikilos ang lupa, mayayanig at magngangalit.

Sa likod ng mga maskara,

matatagpuan ang maliit na konsensiya.

Naghuhumiyaw, galit, gustong kumawala,

sapagkat tahimik na paligid ay tinangkang masira.

Malikhaing isipan, salita at gawa,

kalayaang magpabatid, huwag sanang mawala.

Ang pagkabalisa ay para sa mga gumagawa ng masama,

ang mga salita, matalinghaga, mahalaga

at mapagpalaya.

Magandang araw, mga bes! ‘Wag nang magpahuli sa trend at i-share na ang inyong #Hugot at i-con­fess mo na, bes ang matagal mo nang gustong aminin sa bagong column ng BULGAR na WHAT’S IN, KA­-BULGAR? Ito na ang perfect timing para ma-publish ang laman ng inyong dam­da­min kaya mag-send na ng personal message sa aming official Face­book page – www.facebook.com/BULGAR.OFFICIAL. Hihintayin namin ang PM n’yo, mga bes, hindi ‘yung puro kayo na lang ang naghihintay sa wala. Char!