Pagsabit sa umaandar na sasakyan, bawal, pagmumultahin!

Dr. Persida V. Rueda-Acosta / Magtanong Kay Attorney

Dear Chief Acosta, Mahilig mag-roller skates ang anak ko. Minsan, meron siyang napanood sa YouTube kung saan kumakapit ang naka-skate sa sasakyan habang tumatakbo ito. Gusto niya itong gayahin bilang isa sa mga exhibitions niya. Gusto naming malaman kung meron bang malalabag na batas sakaling gawin ito? — Abby

Dear Abby, “Section 51. Hitching to a vehicle. - No person shall hang on to, ride on, the outside or the rear end of any vehicle, and no person on a bicycle, roller skate or other similar device, shall hold fast to or hitch on to any moving vehicle, and no driver shall knowingly permit any person to hang on to or ride, the outside or rear end of his vehicle or allow any person on a bicycle, roller skate or other similar device to hold fast or hitch to his vehicle.”

Ibig sabihin, ipinagbabawal ang pagkapit sa likod ng umaandar na sasakyan nang naka-roller skates. Ang kaparusahan nito ay nakasaad sa Section 56 (h) ng parehong batas kung saan nakasaad na:

“Section 56. Penalty for violation. - The following penalties shall be imposed for violations of this Act:

xxx

(h) Violations of Sections forty-nine, fifty-one, and fifty-two, a fine of not less than twenty-five pesos nor more than fifty pesos.”

(Binigyang-diin)

Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.

Maraming salamat sa patuloy ninyong pagtitiwala.