Kahit may gulo.. Deployment sa Hong Kong, tuloy — DOLE
- Madel Moratillo
- Oct 22, 2019
- 1 min read
Tuluy-tuloy pa rin ang pagpapaalis ng mga Overseas Filipino Worker (OFW) patungo sa Hong Kong.
Ayon kay Labor Sec. Silvestre Bello III, sa kabila ng sitwasyon sa Hong Kong, wala pang umiiral na deployment ban sa nasabing lugar.
Sa pinakahuling update mula sa Department of Foreign Affairs (DFA) at sa labor attache sa Hong Kong ay ligtas ang mga Pinoy doon.
Wala pa aniyang nakikitang dahilan sa ngayon para magpatupad ng deployment ban o magpatupad ng mandatory repatriation.
Samantala, tiniyak naman ni Bello na patuloy na binabantayan ng pamahalaan ang sitwasyon sa Hong Kong.
Nasa DFA aniya ang kakayahan para i-assess ang sitwasyon doon.
Sa sandaling lumala ang sitwasyon, handa umano ang DOLE na asistehan ang mga OFWs para makahanap ng ibang trabaho.
Comments