Van vs. truck, pahinante at driver utas
J. Baricuatro
Oct 18, 2019
1 min read
Patay matapos kapwa maipit ang driver at pahinante nito sa minamanehong delivery van matapos sumalpok sa dump truck, kamakalawa ng gabi sa kahabaan ng EPZA-Bacao Diversion Road, Gen. Trias City, Cavite.
Kinilala ni Police Col. Marlo Soriano, ang mga biktima na sina Sandy Cavida, 47, driver, residente ng Bgy. Malagasang 2-B, Imus City at ang pahinante nitong si Ariel Cutanda, 36, ng Bgy. Sampaloc 2, Dasmariñas City, Cavite.
Alas-6:55 ng gabi nang maganap ang insidente. Sakay ang mga biktima ng van na minamaneho ni Cavida na magde-deliver ng mga tube ice.
May kabilisan umano ang takbo ng van kaya hindi na ito nakapagmenor at nasapol ang nag-U-turn na truck na minamaneho ni Jay-R Baylon, 28, ng Bgy. Bilucao, Pitugo, Quezon Province.
Comments