Red tide alert — BFAR

Pinag-iingat ng Bureau of Fisheries and Aquatic Resources ang publiko sa pagkain ng shellfish mula sa apat na lugar sa bansa dahil sa red tide.

Ipinagbabawal ang pagkonsumo sa lahat ng uri ng shellfish at alamang mula sa Puerto Princesa Bay, Puerto Princesa City sa Palawan at sa baybayin ng Dauis at Tagbilaran City sa Bohol.

Hindi rin pinahihintulutan ang pagkain ng mga shellfish mula sa Irong-Irong, San Pedro at Silanga sa Western Samar at Cancabato Bay, Tacloban City sa Leyte.

Ayon sa BFAR, ligtas pa ring kainin ang mga isda, pusit at hipon kung bagong hango at lilinising mabuti.