26-anyos na gusto nang bumukod pero natatakot

Dear Roma, Twenty-six na ako at may maayos akong trabaho. Gusto ko na sanang bumukod dahil para sa akin, dapat na akong magsimulang maging independent dahil alam kong darating din ang panahon na kailangan kong mamuhay nang mag-isa. Walang problema sa pamilya namin dahil malakas pa ang mga magulang ko at okay naman ang set-up namin. Gusto ko lang itanong kung tama kaya ang plano kong ito? Nag-aalangan pa rin kasi ako. Salamat! —Raya

Raya, Kung walang problema sa mga magulang mo ang pagbukod mo, go na. Alam mo, marami kang kaedad na hanggang ngayon ay umaasa pa rin sa mga magulang kaya kung sa tingin mo ay kaya mo na, gawin mo na ito. Sabi mo nga, darating din ang panahon na kailangan mong mamuhay nang mag-isa kaya ngayon pa lang, dapat masanay ka na. Good luck, beshy!