1 todas, 1 sugatan sa duwelo

Camarines Sur—Isa ang namatay at isa ang sugatan nang magduwelo ang dalawang lalaking nag-iinuman kamakalawa sa Bgy. Tabion, Del Gallego.

Kinilala ng pulisya ang nasawing nagtamo ng mga tama ng saksak sa katawan na si Romeo Laureciano, samantalang, ang sugatan na nagtamo ng isang tama ng bala sa dibdib ay si Jayson Dalma, kapwa nakatira sa nasabing barangay.

Batay sa imbestigasyon, nag-iinuman ang dalawa nang magkaroon ng pagtatalo kaya binaril ni Laureciano si Dalma.

Kahit duguan ay nagawang bunutin ni Dalma ang dala nitong patalim at pinagsasaksak si Laureciano hanggang sa mapatay.

Kasalukuyan pang inoobserbahan sa pagamutan si Dalma.