Kampo ng aktor, 'di nakatiis, pumalag… Ken, sapaw at napag-iiwanan ni Rita sa serye nila

Erlinda Rapadas / Teka Nga

Maraming fans ni Ken Chan ang nagri-react at uma­­apela dahil napapansin nila na parang mas malaki at mar­kado ang role ni Rita Daniela as Jowalyn sa rom-com na One of the Baes. Mistulang kinakabog, sina­sapawan at natatalbugan na raw ni Rita ang ka-love team niyang si Ken na kay Joyce Ching na ipinapareha.

Bale ba’y astig at ang lakas ng character ni Rita sa One of the Baes kaya tuloy siya ang nagmumukhang solong bida at sa titulo pa lang ng serye, parang sa kan­ya na umiikot ang buong kuwento.

At sa back story, siya ang nawawalang anak nina Amy Austria at Tonton Gutierrez, tapos si Ken bilang si Grant na anak ng mayaman, eh, napaka-light ng mga eksena at pa-vlog-vlog lang.

Hinahanap ng mga fans ni Ken ang bigat at impact ng role niya noon sa My Special Tatay.

Kung ibini-build-up ang RitKen love team, dapat ay pantay ang bigat ng role upang magkatulungan at mapa­saya ang kanilang mga fans.

Kaya gustong iparating ng kampo ni Ken sa mga writers ng One of the Baes ang kanilang obser­basyon. Malaking ak­tor naman si Ken at marami nang shows na pinag­bi­bidahan. Ibigay naman sa kanya ang kaukulang importansiya.