Tustadong kelot, nadiskubre
Janice Baricuatro
Oct 13, 2019
1 min read
Mistulang inihaw na baboy ang kinahinatnan ng hindi pa matukoy na lalaki na natagpuang sunog sa madamong bahagi ng Abaya Road, Bgy. Toclong, Kawit, Cavite, kahapon ng madaling-araw.
Sa ulat na nakalap mula sa Kawit Police, alas-3:30 ng madaling-araw nang makatanggap ng tawag ang Kawit MPS na may isa umanong sunog na tao na natagpuan sa kahabaan ng Abaya Road, Bgy. Toclong.
Sa pagsisiyasat ng pulisya, nakagapos ang mga kamay ng biktima sa likuran nito. Walang makuha ni anumang ebidensiya o pagkakakilanlan dito at hindi rin matukoy kung paano pinatay ang biktima.
Kasalukuyang nagsasagawa ng follow-up investigation ang pulisya sa tulong ng SOCO-Cavite.
Comments