Pier, nilunod ang Fuels

Kinalsuhan ng NorthPort Batang Pier ang four-game skid matapos nilang pagpagin ang Phoe­nix FuelMasters, 80-70 sa PBA Governor’s Cup kagabi sa Araneta Coliseum.

Kumayod si Moala Tautuaa ng 16 points, 9 na rebounds at 4 assists upang tulungan ang Batang Pier na ilista ang 2-4 karta at ma­natiling may tsansa sa asam nila sumampa sa susunod na phase.

Ipinaramdam agad ng Batang Pier ang kanilang la­kas matapos kargahin ang 7-point lead, 38-31 sa unang dalawang periods.

Bahagyang kumapit ang FuelMasters sa 3rd period, naibaba nila sa talo ang hina­habol, 55-58 papasok ng 4th.

Hindi nasira ang loob ng Batang Pier, nanatili sa ben­tahe upang makuha ang im­portanteng panalo.

Bumakas si Paolo Taha ng 14 puntos.

Samantala, pakay ng San Miguel Beer na manatiling malinis ang kanilang karta pagharap laban sa Barangay Ginebra Gin Kings ngayong 6:45 p.m. sa Big Dome.

Nahirapan ang Beermen sa kanilang huling laro nang talunin nila ang Magnolia Hotshots, 90-89 at nanini­wala silang mas mahirap ang laban nila sa crowd favorite Gin Kings.

Muling kakapitan ng Beermen si import Dez­mine Wells na nagtala ng 33 points, 7 rebounds at 5 as­sists sa pa­nalo nila sa Hot­shots noong Biyernes.

Inaasahang makakatu­wang ni Wells sina five-time Most Valuable Player, (MVP) June Mar Fajardo at point guard Alex Cabagnot.

Para sa Gin Kings, pun­tirya nilang kalsuhan ang two-game skid kaya huhugot sila ng lakas kay balik import Justin Brownlee.

Galing sa masaklap na talo ang Ginebra, nalugmok sila sa NLEX Road Warriors, 111-113.

Bukod kay Brown­lee, ibabangga din ng Gin Kings sina Greg Slaughter, Stanley Pringle at LA Tenorio. May 4-0 karta ang Beermen ha­bang 1-2 ang baraha ng Gin Kings.

Magtatapat sa unang laro ang Alaska Aces at Rain or Shine Elasto Painters ng 4:30 p.m.