3 patay sa sunog

Tatlo ang nasawi makaraang masunog ang isang bahay sa Katipunan Ave., Quezon City, kahapon.

Ayon sa Bureau of Fire Protection, natagpuan ang katawan ng 35-anyos na caregiver sa unang palapag ng bahay. Ang ikalawang biktima na edad 40, na anak ng may-ari ng bahay ay natagpuan namang nakaupo sa CR sa ikalawang palapag.

Hindi pa matukoy ang isa pang bangkay na natagpuan malapit sa exit sa unang palapag.

Ayon sa kasambahay na si Melende Allegre, bandang alas-2:00 ng madaling-araw nang sumiklab ang sunog sa bahagi ng kusina.

Nakalabas siya at ang kusinerang si Yolanda Sebrano na nagtamo ng second degree burns sa iba’t ibang katawan, saka sinubukang humingi ng tulong ngunit, pagbalik ay malakas na ang apoy.

Umabot sa ikalawang alarma ang sunog bago naapula makalipas ang kalahating oras.