Rider na naghatid ng bebot, dinedbol

Cotabato City—Isang 20-anyos na rider ang namatay nang barilin ng dalawang hindi kilalang armadong salarin kamakalawa sa Bgy. Poblacion 4.

Kinilala ng pulisya ang biktimang nagtamo ng dalawang tama ng bala sa katawan na si Niursaud Tipas, residente ng Bgy. Sandakan, Sultan Mastura, Maguindanao.

Batay sa imbestigasyon, inihatid ni Tipas ang kaibigan niyang dalaga sa nasabing barangay at pababa na ito ng motorsiklo nang sumulpot ang dalawang suspek at agad pinagbabaril ang biktima at pagkaraan ay mabilis na tumakas ang mga salarin.

Dinala pa ng mga saksi ang biktima sa ospital, pero idineklarang dead-on-arrival.

Inaalam na ngayon ng pulisya ang motibo ng mga suspek sa pagpatay sa biktima.