P-Digong, bibili ng sariling jet para hindi na nanghihiram
Inabsuwelto na naman ng Sandiganbayan ang pamilya Marcos.
Dapat lang!
◘◘◘
DAHIL absuwelto ang mga Marcos, sila ang naging biktima.
At biktima rin ang kabataang napaniwala sa “maling istorya”!
◘◘◘
BIBILI ang Malacañang ng sariling “Air Force One”.
Para hindi na nanghihiram ng “jet” ang pangulo sa isang lider ng sekta!
◘◘◘
MAY bagyong kasinglakas ng “Yolanda” ang papasok sa Japan.
Uy, lumihis sa ‘Pinas.
Natakot matokhang!
◘◘◘
INAMIN ni P-Digong na naduduling siya kapag umaatake ang kanyang sakit.
Puwes, doble ang kanyang kita!
◘◘◘
GAGANAP si Sen. Manny Pacquiao bilang Heneral Miguel Malvar.
Inggit na naman si Floyd!
◘◘◘
MAGRERETIRO na ang dalawang Mahistrado ng Korte Suprema ngayong buwang ito.
Apektado ang desisyon sa vice-presidential election protest!
◘◘◘
SA ngayon, itinengga ang desisyon sa protesta ni dating Sen. ‘Bongbong’ Marcos laban kay VP Leni.
May “bisa” ba ang desisyon ng “lameduck justices?”
◘◘◘
SENTRO ng atake ng African Swine Fever (ASF) ang Bulacan.
Ginamit na sa pulitika ang epidemyang ito.
Kumbaga, aktuwal na “binaboy” ang pulitika sa Bulacan!
◘◘◘
IPINATATANGGAL ang toll fees sa Skyway.
Isa nang raket ‘yan!
◘◘◘
PAPATAYIN daw ng MPD director ang Ninja Cops na kasabwat ng drug queen sa Maynila kapag nakakuha ng ebidensiya.
May naghahanap ba ng ebidensiya?
◘◘◘
WALANG ulat kung epektibo ang Bangsamoro Government na ipinatutupad.
Walang ulat kung sumuko na ang lahat ng MILF fighters o lumipat lahat sa BIFF?
◘◘◘
BINABALAK ng Russia na magtayo ng nuclear plant sa Pilipinas.
Klap-klap-klap!
Comments