Kabit, todo-asang iiwanan ng labs ang pamilya para sa kanya, gusto lang naman dahil bata at sariwa

Maestro Honorio Ong

Dear Maestro,

May problema ako nga­yon sa love life at may mga katanungan ako sa buhay.

Paano malalaman kung mahal ka ng taong may pa­milya na? Posible bang ako ang piliin niya kesa sa tu­nay niyang asawa? Feb­ruary 2, 1994 ang birthday ko at December 1, 1974 naman ang birthday ng lalaking nabanggit ko.

Umaasa,

Ms. Aquarius ng Mangga, Candaba, Pampanga

Dear Ms. Aquarius,

Sa ating kultura, hindi ka maaaring mahalin nang lu­bos ng lalaking may pamilya na, lalo na kung hindi niya ka­yang iwanan ang kanyang pamilya para sa iyo. Kum­baga sa mga itinatanong ng iba, “mahahati ba ang puso?” Ang oras at panahon ay ma­aaring hatiin, pero ang puso ng lalaking nagmamahal ay bukod-tanging nakalaan sa babaeng minamahal niya.

Sa madaling salita, para malaman mo kung mahal ka ng lalaking may asawa na, ita­­nong mo ang mga ito sa iyong sarili:

1. Mas marami ba si­yang iginugugol na oras sa iyo kay­sa sa tunay niyang asawa?

2. Pinagpapasensiyahan ka ba niya? ‘Yung kahit may mga pagkakamali ka, inu­unawa ka ba niya upang hin­di kayo magkagalit?

3. Kung talagang mas ma­hal ka ng lalaking may asawa na, dapat mas malaki ang intrega niya sa iyo kesa sa kanyang misis.

Sa mga tanong na na­banggit, maaaring masagot ang tanong mo kung mahal ka niya, pero dapat mo ring alalahanin ang katotohanan na ang karamihan sa mga la­laki ay higit na tumitingin sa panlabas na kagandahan kesa sa ibang bagay pagdating na sa pambababae.

Isaalang-alang mo rin ang tanong na, “baka kaya ka lang mahal na mahal ng la­laking may asawa na ay dahil ma­ganda at sariwa o bata ka pa kung ikukumpara sa kan­yang asawa?” Kung oo ang sagot, ibig sabihin, ang pag­mama­hal niya sa iyo ay ma­giging pa­nandalian lamang.

Maaaring kapag tuman­da ka na at nag-iba na ang iyong pisikal na hitsura, tulad ng misis ng lalaking kinaka­sama mo, may posibilidad na iwanan ka rin niya para mag­hanap siya ng mas bata sa iyo at mas maganda. Ma­dali siyang makahahanap da­hil may mga babae na tumi­tingin lang sa materyal na pakinabang.

Samantala, ang pinaka­ma­ganda mong magagawa ngayon ay ganito, bago ma­huli ang lahat, bago mo tulu­yang masira ang maayos mong buhay dahil sa maling pag-ibig, iwasan mo ang na­sabing lalaking may asawa at pamilya na. Sa ganitong paraan, hindi ka magkakasala at magiging dahilan upang masira ang matino at maayos na pamilya.

Tandaan na sa sandaling umibig kang muli, siguradu­hin mong ito ay mabuti at tama. Sa ganitong paraan, sa matuwid na pag-ibig at wa­lang bahid ng pagkakasala, makakamit mo ang masarap, mas maligaya at panghabam­buhay na pagpapamilya, ayon sa iyong Love Calendar na na­katakdang mangyari sa taong 2021 sa edad mong 27 pataas, hatid ng binatang lala­king nagtataglay ng zodiac sign na Gemini.