Para hindi maperhuwisyo sa trapik.. Christmas vacation i advance na

Hindi na umano bago ang kaliwa’t kanang trapik sa bansa ngayong ‘ber months’.

Dahil dito, pinayuhan ni Senador Francis Tolentino ang publiko na agahan ang kani-kanilang Christmas vacation nang sa gayu’n ay hindi sila maperhuwisyo ng trapik.

“Agahan din ‘yung Christmas vacation kasi malaking epekto rin ‘yan,” ani Tolentino.

Samantala, sa mga paluwas ng Maynila, makatutulong aniya sa mga bakasyunista ang SLEX authority at karagdagang lanes bagaman, tumutukod na ang matinding trapik sa expressway dahil sa ginagawang karagdagang kalsada.

Gayunman, dapat umano’y pangmatagalan pa rin ang solusyon ng gobyerno rito lalo na at taun-taon na lang hindi lumuluwag ang trapik tuwing ber months.

Samantala, dapat na rin umanong ipaubaya sa local government units (LGUs) ang pagresolba sa trapik sa kani-kanilang lugar.

Naniniwala ang mambabatas na kung hahayaan ang mga LGUs na kumilos ay mapabibilis ang pagresolba ng trapik sa kanilang lugar.