Russian, interesado sa telco business sa ‘Pinas

Ilang Russian businessmen ang nagpahayag ng interes na maglagak ng kanilang pamumuhunan sa telco.

Ito ang sinabi ni Department of Trade and Industry (DTI) Secretary Ramon Lopez na isa sa mga pangunahing naging abala sa isinagawang Philippines-Russia Business Forum.

Sinabi ni Lopez na hindi malayo at posibleng magkaroon pa ng ikaapat na telco sa bansa, gayung open-ended aniya ang exploration o paghahanap ng mga negosyante sa Russia ng anumang pagkakataon o potensiyal para sa kanilang negosyo.

Isa na aniya rito ang mga nasa telco business na ayon kay Lopez ay bukas sa posibilidad para maglagak ng kanilang negosyo sa bansa.

Bukod sa telco, ilang mga Russian investor din ang nagpahayag ng interes na makapaglagak ng kanilang investment sa railways development.