Lemon, epektib na pampaputi ng ngipin, pantanggal ng bad breath at pampatibay ng gums

No Problem

Alam nating lahat na ang lemon ay mayaman sa Vitamin C. Pero, bu­kod sa bitaminang ito, marami pa itong kayang gawin hindi lang para sa ating katawan kundi pati na rin sa ating ngipin. Kaya mga ka-Bulgar, narito ang ilang paraan para masolusyunan ang in­yong problema sa mga ngipin o hininga gamit ang lemon:

1. PAMPAPUTI NG NGIPIN. Madali lang itong gawin. Kumuha ng da­lawa hanggang tatlong kut­sarita ng lemon at isang kutsarita ng asin.

Paghaluin ang mga ito na magsisilbing tooth­paste at gumamit ng toothbrush bilang pama­hid sa mga ngipin.

Patagalin ng ilang minuto saka mag­mumog. Ga­win ito nang da­la­wang beses kada araw para makita agad ang resulta.

2. PAN­TANG­GAL NG BAD BREATH. Baga­ma’t ang laway ay kayang puma­tay ng baktirya sa bibig, isa rin ito sa mga dahilan ng pagkakaroon ng bad breath kung hindi nagi­ging ma­ayos ang pagpa­tay ng la­way sa mga bak­tirya. Para mawala ito, kumuha ng 3 tsps. ng le­mon juice at ihalo sa tubig na pangmu­mog at pag­katapos, mag­mumog ng malinis na tubig.

3. PAMPATIBAY NG GUMS. Dahil nagtatag­lay ng Vitamin C at anti-inflammatory agents ang lemon, mabisa itong re­medy sa dumudugong gilagid. Ihalo ang 2 tsps. ng lemon juice sa isang baso ng tubig at pagkata­pos kumain, gamitin itong pangmumog.

4. PANTANGGAL NG SAKIT NG NGI­PIN. Maglagay ng isang kutsarita ng lemon juice sa bulak at direktang ila­gay sa apektadong ngi­pin.

Ibabad ito nang 10 hanggang 15 minuto saka magmumog ng tubig.

Ayan, mga ka-Bulgar, ilan lamang ito sa mga paraan para masolb ang inyong problema sa ngipin. Gayundin, make sure na nagtu-tooth­brush kayo nang, at least, dala­wang be­ses kada araw para maiwasan ang mga proble­mang ito. ‘Ika nga, “smile, it lets your teeth breathe.” Copy?