169 nadale sa meningococcemia, 88 dedo

Aabot na sa 169 ka­tao ang tinamaan ng me­ningo­coccemia ngayong taong, 88 rito ang nasawi.

Gayunman, pinaninin­digan umano ng Department of Health (DOH) na walang outbreak ng sakit.

Sa datos ng DOH-Epi­demiology Bureau (EB), na­batid na mula noong Enero hang­gang Setyembre 21, 2019 ay nakapagtala sila ng 169 kaso ng meningo na may 88 deaths o case fatality rate na 52%.

Mas mataas ito sa 162 kaso na naitala sa kahalintu­lad na petsa noong naka­ra­ang taon kung saan may 78 deaths.

Sa Batangas, inamin naman ni DOH-Calabarzon Regional Director Eduardo Janairo, na lima katao na ang binawian ng buhay dahil sa meningococcemia.

Sa kabila nito, nanindigan ang DOH na wa­lang meningo outbreak sa Ba­tangas at ma­ging sa bansa.

Ayon kay DOH Assis­tant Secretary of the Public Health Services Team Maria Rosario Vergeire, kung susu­riin sa nakalipas na limang taon, halos pare-pareho la­mang ang dami ng mga pas­yenteng tinatamaan ng sakit.

Magkakahiwalay din aniya ang mga lugar na pi­nagmulan ng mga pas­yente kaya hindi ito maitutu­ring na outbreak.

Ayon sa DOH, ang me­ningococcal disease ay rare o madalang lamang ngunit, ito ay napala-seryo­song sakit, na sanhi ng bacteria na neis­seria meningitidis.

Sa 15% umano ng mga kaso nito ay maaaring mama­tay ang pasyente sa loob la­mang ng ilang oras.

Dahil sa severity at rapid progression ng sa­kit, maha­laga ang early diag­nosis ng sakit at agarang pag­lunas dito ng antibiotics.

Samantala, dalawang pas­yente ng San Lazaro Hos­­pital sa Maynila ang nag­po­sitibo sa meningo­coccemia.

Ayon kay Dr. Ferdinand de Guzman, chairman ng De­partment of Family Me­dicine sa San Lazaro Hos­pital, isa rito ang pitong taong gulang na bata na ang paa ay nangitim na dahil sa labis na rashes.

Ang mga pasyenteng ito ay inilagay na aniya sa isola­tion room.

Ang mga sintomas na nakita umano sa dalawa ay kahalintulad ng sa pas­yen­teng may meningococ­cemia.

Una nang may nasawi na dalawang buwang gulang na bata sa San Lazaro dahil sa hinihinalang meningococce­mia.