Imbes sibakin.. Nabulgar, mga ninja cops inililipat lang ng assignment

Binalaan ni Senador Christopher Lawrence ‘Bong’ Go ang mga opisyal ng Philippine National Police (PNP) na huwag pagtakpan ang kalokohan ng kanilang mga tauhan.

Ito ang pahayag ni Go bago tumulak patungong Russia kasama ni Pangulong Rodrigo Duterte.

Ginawa ng mambabatas ang babala sa kasagsagan ng Senate inquiry sa ninja cops na sentro sa naturang imbestigasyon si PNP Chief Oscar Albayalde.

Huwag na umanong ilipat ng assignment sa halip ay tanggalin sa hanay ng PNP ang mga police scalawags, lalo na ang mga sabit sa extortion at ilegal na droga.

Sa Senate inquiry ay lumalabas na hindi nasibak kundi nalipat lang ng assignment ang mga ninja cops noong PNP director pa ng Pampanga si Albayalde.