Bawas-singil sa kuryente ngayong Oktubre

Posibleng bumaba ang singil sa kuryente ng Meralco ngayong Oktubre.

Ayon kay Larry Fernandez, head ng utility economics sa Meralco, kung hindi man bumaba, hindi nalalayo ang halaga ng singil sa kuryente ngayong Oktubre sa halaga ng singil noong Setyembre.

Sakaling bumaba, anim na buwan nang sunud-sunod na nagkaroon ng tapyas sa presyo ng kuryente. Mula noong Mayo hanggang Setyembre, umabot na sa P1.52 kada kilowatt hour ang bawas-singil sa kuryente.