Ayon sa Bible... Dahilan kaya bawal kainin ang baboy, pero ang manok at isda, puwede

Sr. Socrates Magnus II

Bigyang-daan natin ngayon ang email ni Joy ng Joyjoy_De_Silva@ facebook.com

Dear Señor, Nabasa ko ang kolum ninyo na bawal kainin ang baboy dahil hindi sila ngumunguya kundi sila ay ngumangasab. Ang tanong ko, hindi ako sigurado na hindi rin ngumunguya ang mga isda, pero kung hindi nga, bawal din bang kainin ang mga ito? Ang mga manok ay hindi rin ngumunguya dahil sila ay tumutuka, bawal din bang kumain ng manok? Mayroon pa akong mga tanong, pero ‘yung sa isda at manok muna ang gusto kong mabigyan ng linaw. Maraming salamat!

Naghihintay, Joy

Sa iyo Joy, Ganito ang sabi ni Lord at nasusulat:

• Sa Ingles:

“These are the beasts which ye shall eat among all the beasts that are on the earth. Whatsoever parteth the hoof, and is cloven footed, and cheweth the cud, among the beasts, that shall ye eat.

Nevertheless, these shall ye not eat of them that chew the cud or of them that divide the hoof: as the camel, because he cheweth the cud, but divideth not the hoof; he is unclean unto you.

And the coney, because he cheweth the cud, but divideth not the hoof; he is unclean unto you. And the hare, because he cheweth the cud, but divideth not the hoof; he is unclean unto you. And the swine, though he divide the hoof, and be clovenfooted, yet he cheweth not the cud; he is unclean to you. Of their flesh shall ye not eat, and their carcass shall ye not touch; they are unclean to you.”

• Sa Tagalog:

“Ito ang mga bagay na may buhay na inyong makakain sa lahat ng mga hayop na nasa lupa. Alinmang may hati ang paa na baak at ngumunguya, sa mga hayop ay inyong makakain.

Gayunman, huwag ninyong kakainin ang mga ito sa mga ngumunguya o may hati ang paa: ang kamelyo, sapagkat ngumunguya, ngunit, walang hati ang mga paa, karumal-dumal nga sa inyo.

At ang kuneho, sapagkat ngumunguya, datapwa’t walang hati ang mga paa, karumal-dumal nga sa inyo. At ang liebre, sapagkat ngumunguya datapwa’t walang hati ang mga paa, karumal-dumal nga sa inyo. At ang baboy sapagkat may hati ang mga paa at baak, datapwa’t hindi ngumunguya, karumal-dumal nga sa inyo. Huwag kayong kakain ng laman ng mga iyan at ang bangkay ng mga yaon ay huwag ninyong hihipuin; mga karumal-dumal nga sa inyo.”

‘Yan, Joy, ang letra-por-letra na nasusulat sa The Word of God.

(Itutuloy)