2 Pinoy, patay sa gumuhong tulay sa Taiwan

Natagpuan na kahapon ang mga bangkay ng dalawang Pinoy na nawawala sa gumuhong tulay sa Taiwan, batay sa ulat ng Manila Economic Cultural Office (MECO).

Samantala, ayon kay MECO Director for Administration Jerry de belen, tinitingnan na ang tatlo pang Pinoy fishermen na nasa pagamutan dahil sa mga minor injuries.

Kinilala ang dalawang Pinoy na nasawi na sina Andree Abregana Serencio at Gorge Jagmis Impanga, na tinamaan ang fishing vessel nang bumagsak ang tulay.

Panawagan ng MECO sa mga naapektuhang Pinoy na nangangailangan ng tulong na makipag-ugnayan lamang sa kanilang tanggapan o sa kanilang Facebook page upang agad silang mabigyang ng ayuda.