Spence, kay Garcia muna babanat bago kay Pacman

Sakaling hindi naging matagumpay ang paghaharap nina Unified International Boxing Federation (IBF) at World Boxing Council (WBC) Errol Spence at Eight-Division World Champion Manny “Pacman” Pacquiao sa susunod na taon, lilingunin nito ang ibang naghahamon sa kanya.

Matapos ang split decision victory ni Unified Boxing Welterweight Champion Spence laban kay Shawn Porter noong Linggo, isang batikang bok­singero ang lumutang at naghamon ng laban – ito ay si two-division champion Danny Garcia.

Nilapitan ni Garcia si Spence ilang minuto ma­tapos ang laban nito upang tawagin ang atensi­yon ng International Boxing Federation (IBF) at World Boxing Council (WBC) welterweight titlist upang hamunin sa susunod na laban.

“It was a top dog fight tonight. I want you next Errol. It was a tough rugged fight. Shawn Porter is a tough fighter. I’m here to say I want next,” bulalas nito patungkol kay Spence.

Sinagot naman ito ng 29-anyos na si Spence, “Tables will turn and it will be. I’ve told my team, you line them up, I’ll knock them down.”

Sa pahayag ni Mike Coppinger, boxing in­sider ng The Athletic sa twitter account ay tila kinum­pirma ng kanyang “Source” na magtatapat sina Spence at Garcia para sa Unified Welterweight title sa Enero 25 sa 2020.

“Sources: Deals in place for Errol Spence Jr. to defend unified welterweight championship vs. Danny Garcia, pegged for Jan. 25, in a PBC on FOX PPV. Gracia confronted Spence during chanmp’s in-ring interview with @HeidiAndrol after victory over Shawn Porter last night #Spence­Porter.”