Isa sa mga sumurender sa kontrobersiyal na GCTA.. 54-anyos inatake sa bilibid, dedo

Kinumpirma ni Justice Secretary Menardo Guevarra na may namatay na dating persons deprived of liberty sa New Bilibid Prison.

Sa pagpapatuloy ng pagdinig ng Senate Blue Ribbon Committee kaugnay sa Good Conduct Time Allowance (GCTA), tinanong ni Senate President Vicente Sotto III si Guevarra kung totoo ang ulat na namatay ang dating PDL na si Nicodemes Fabro, 54, taga-Olongapo City, makaraang ireklamo ang paninikip ng dibdib habang nasa halfway ng NBP.

Tinanong ito ni Sotto dahil posibleng mayroon pa rin aniyang mga sumurender na hindi pa nakalalaya lalo na ang mga hindi nakagawa ng heinous crimes.

“Baka marami tayong mga nandoon pa rin ‘yung mga sumurender na hindi na dapat nandodoon,” sabi pa ni Sotto.

Agad namang kinumpirma ng kalihim na namatay si Fabro noong Sabado, September 28 kung saan hindi umano maganda ang kalagayan nito.

“Senator, we got the report of this former PDL name Nicodemes Fabro and as you correctedly pointing out he was convicted of murder and homicide and he was released on July 8, 2019 but eventually surrendered upon order of the president,” tugon ni Guevarra kay Sotto.

“It seems that he was not in good health and probably because of the condition of overcrowding because of the large number of surrenderees, he was brought in the hospital in the early morning of September 28, but he was pronounced dead-on-arrival at around 4:40 in the morning,” wika pa ni Guevarra.

Nabatid na nakulong si Fabro sa loob ng 32 taon at kasalukuyan na rin umanong iniimbestigahan ang naturang insidente. Sinabi ni Guevarra na mas magiging mabilis ang proseso sa pagpapalaya ng mga PDL partikular ang mga hindi kabilang sa heinous crimes.

Nabatid na sumobra sa mahigit 300 ang mga sumuko na dating bilanggo dahil sa GCTA dahil nasa 1,914 lamang ang nasa orihinal na listahan. Habang nasa 2,221 naman ang mga convicts na sumurender. Matatandaang, una nang pinalaya ang 87 na PDL na sumurender, kamakailan.