Habang tumotoma.. Konsehal at 2 tanod niratrat, todas

Kapwa nasawi ang tatlo katao kabilang ang isang barangay kagawad at dalawa pa nitong tanod nang ratratin ng riding-in-tandem sa kala­gitnaan ng kanilang pagta­tagayan sa Pikit, North Cota­bato.

Dead-on-the-spot sa Sitio Vilo, Bgy. Takepan ang mga biktimang sina dating barangay kapitan at ngayon ay konsehal na si Andrew Lumibao, 53, at sina Michael Arroyo at Robert Ayona, kapwa miyembro ng Baran­gay Peacekeeping Action Team (BPAT).

Ayon kay Police Captain Mautin Pangandigan, alas-6:45 ng gabi ng Sabado nang pagbabarilin ng apat na ka­la­lakihang sakay ng dalawang motorsiklo ang mga bik­tima.

Nabatid sa imbestigas­yon na ang tatlo ay nasa ka­lagitnaan ng inuman habang nasa tabing-kalsada ng natio­nal highway sa nabanggit na lugar.

Kabilang sa mga sinisilip ng mga awtoridad sa posib­leng motibo sa krimen ay ang personal na galit sa tatlo at ang ilegal na kalakalan ng droga sa kanilang nasasaku­pan.

Patuloy na tinutukoy ng pulisya ang pagkakakilanlan sa mga suspek.