Pangarap na BF, makukuha sa pamamagitan ng pagma-magnet ng isip

Socrates Magnus

Salaminin natin ang panaginip ni Jace ng Jace _Vang@facebook.com

Dear Professor,

Nanaginip ako na may lalaking yumakap sa akin at nagtanong kung puwede raw bang maging kami at umoo naman ako.

Hang­gang sa pana­gi­nip na lang ba may ya­yakap sa akin?

Naghihintay,

Jace

Sa iyo Jace,

Nakakatuwa ang tanong mo kung hanggang sa pa­naginip na lang ba na may yumayakap sa iyo.

Gayun­man, may maki­kita pa ring katotohanan na madalas nating sinasabi na ang mga pahiwatig ng pa­naginip ay ang mga kagus­tuhan at kaila­ngan ng na­naginip.

Ang maganda sa gani­tong klase ng panaginip ay ang isa pang katotohanan na ang iyong malalim na kama­layan o unconscious self ay hindi nawawalan ng pag-asa na balang-araw ay magka­karoon ka ng love life.

Hindi ka matutulad sa iba na talagang wala na, as in, dahil wala nang hope sa puso nila, nagsara na ang pintuan ng love sa kanilang buhay.

Alam mo, sobrang po­werful ng unconscious mind. At dahil dito, narito ang ilang puwede mong gawin para mapakinabangan ang mala­kas mong unconscious mind.

1. Kahit saan ka mag­punta, isipin mo ang nasa­bing panaginip.

2. Kapag may nakaha­rap kang lalaki, isipin mo ang iyong panaginip. Pero, gawin mo ito kapag may hitsura ang kaharap mo.

3. Ito ang paunang para­an sa tinatawag na “magne­tismo”. Ang magnetismo ay ang panggagayuma na kailangang ma-magnet o magayuma ang isang tao ga­mit ang kapangyarihan ng isip.

Kaya mo ba itong gawin? Lahat ng pagmamahalan ay sa ganitong paraan nagsi­mula, minagnet ng isa ang isa pa kaya naging sila.

Hanggang sa panaginip ka na lang ba may kayakap? Hindi, dahil ang iyong un­cons­cious self ang gagawa ng paraan para magkaroon ng katuparan ang iyong na­panaginipan.

Hanggang sa muli,

Professor Seigusmundo del Mundo