Iba raw talaga ang gusto… Tony, atras sa babae

Vinia Vivar / Frankly Speak

“Love yourself first,” ang motto nga­yon ni Tony Labrusca at ayaw daw muna niyang ma-in love sa babae.

“Feeling ko, dapat, iba pa ‘yung priorities ko ngayon,” sey niya sa presscon ng Ang Henerasyong Sumuko sa Love na pelikula nila nina Jane Oineza, Jerome Ponce, Albie Casiño at Myrtle Sarrosa.

“I think, I should be enjoying my life. Instead of falling in love, maybe I should be dating, I think, I should be providing for my family, taking care of myself, loving myself first.

“‘Yung ‘forever’, I’ll get there one day, pero for now, I think I need to love my­­­self and enjoy my life muna,” he added.

Kaya in real life ay hindi raw siya kasama pa sa “henerasyong sumuko sa love.”

Aniya, ito ang itinuro sa kanya ng mommy niya – unahin muna ang sarili.

“You have to put yourself first, know yourself and love yourself first before you can love anybody else,” sambit niya.

Biro pa niya, baka nga raw hindi siya boyfriend material dahil hindi siya ang tipong mawawala sa sarili para lang sa taong mahal niya dahil in the first place nga ay hindi pa naman yata siya nai-in love talaga.

Samantala, ayon kay To­ny, umoo siya agad kay Direk Jason Paul Laxamana nang i-offer sa kanya ang peli­ku­lang Ang Henerasyong Sumu­ko sa Love dahil mala­yung-malayo ito sa role niya sa Glorious, ang pelikula nila ni Angel Aquino kung saan siya talaga nakila­la’t sumikat.

Showing na ang pelikula ngayong Oct. 2 mula sa Regal Entertainment.