Hirit ng DOH.. 56% tapyas sa presyo ng mga gamot

Aabot sa 120 gamot para sa iba’t ibang uri ng ka­ra­m­damang dinaranas ng mga Pinoy ang inirekomen­dang matapyasan ng presyo ng Department of Health (DOH).

Ang pagpapataw ng maximum drug retail prices (MDRP) sa mga gamot ay ire­rekomenda ng DOH sa tanggapan ni Pangulong Rodrigo Duterte.

Ilan sa gamot na mata­tapyasan ng presyo ay ga­mot sa hy­pertension, diabe­tes, cardiovascular disease (CVD), chronic lung disea­ses, neonatal diseases at ma­jor cancers.

Kabilang din sa listahan ang mahal na treatment para sa chronic renal disease, pso­riasis at rheumatoid arthritis.

Sa ilalim ng maximum retail price scheme, tinata­yang aabot sa 56% ang ma­babawas sa presyo ng mga gamot sa oras na lagdaan ng pangulo ang isang Executive Order para rito.

Ayon sa DOH napili ang mga gamot batay sa bigat ng karamdaman. Isinaalang-alang din ang limitadong kompe­tisyon at presyo ng mga gamot sa Pili­pinas kapag kinumpara sa ibang bansa sa Southeast Asia at iba pang developing coun­tries. Inamin ng DOH na 4 na beses pa ring mas mataas ang presyo ng generic drugs sa Pilipinas kumpara sa ibang bansa. Nasa 22 beses namang mas mataas ang presyo ng bran­ded na gamot sa Pilipi­nas, lalo sa mga pribadong ospital at botika, kumpara sa ibang bansa.