Parak, sugatan sa ambush
- Pabs Hernandez III
- Sep 27, 2019
- 1 min read
NORTH COTABATO — Sugatan ang isang pulis nang tambangan at pagbabarilin ng mga hindi kilalang armadong lalaki kamakalawa sa Bgy. Kitulaan, Carmen.
Ang biktima ay kinilalang si Sgt. Abejay Dandan, nakatalaga sa Police Region 12 Intelligence Division at residente ng Bgy. Kibudtungan sa nasabing bayan.
Batay sa imbestigasyon, pauwi na si Dandan lulan ng kanyang sasakyan nang sumulpot ang mga suspek at agad pinagbabaril ang biktima.
Bagama’t, tinamaan ng bala sa katawan at sugatan ay nagawa pa ni Dandan na imaneho ang kanyang sasakyan patungo sa ospital. Inoobserbahan na sa ospital si Dandan, samantalang, nagpalabas na ng manhunt operation ang pulisya para madakip ang mga suspek.
Comments