Hamon sa PDEA: Mga drug lord sa iba‘t ibang sulok ng ‘Pinas, ibulgar na rin!

Ka Ambo / Bistado

HINUBARAN na ang “drug queen” ng Maynila. Bakit ngayon lang?

***

MALAKI ang papel ng PDEA sa giyera kontra ilegal na droga.

Dapat na rin nilang ibunyag ang iba pang drug lords sa bawat bayan at barangay!

***

MAS mainam kung palalakasin ang puwersa ng PDEA sa bawat barangay. ‘Yan ang seryosong solusyon!

***

MAY bagong fast water craft ang Philippine Navy. ‘Yan ay napakalaking tama!

***

ISANG archipelago ang Pilipinas, dapat bigyan ng prayoridad ang Navy at Philippine Marines. Dapat ang mga seashore town ay may kani-kanyang Navy-Marine Forces!

***

DAPAT organisado at palakasin ng Department of Agriculture (DA) ang hanay ng mga mangingisda sa lahat ng isla at bayan na nasa baybaying- dagat. Bakit walang suporta ang mga mangingisda mula sa pamahalaan?

***

MALAKAS ang suporta sa pagpapaliban ng barangay election. Hindi ba puwedeng gumawa ng batas na nagbabawal sa pagpapaliban ng alinmang eleksiyon?

***

ANG alinmang halalan ay kaluluwa ng demokratikong gobyerno. Ang pagpapaliban sa alinmang halalan ay pagpapahina sa gulugod ng demokrasya. Pagkakait din ito ng karapatang bumoto nang maayos para sa mamamayan!

***

BINOBOLA at kinukuha ng mga elected solon ang simpatya ng mga incumbent barangay captain para mapansin sila tuwing eleksiyon. Isang klase rin ito ng paglabag sa moralidad at Konstitusyon!

***

IMMORAL ang pagpapaliban ng halalan at pagtanggal ng budget sa nakatakdang eleksiyon. Kapag may nagreklamo sa Korte Suprema, tiyak na papaboran nila ang pagpapatuloy ng barangay election sa Mayo 2020!