Pondo ginamit sa kampanya.. Dating Mayor, asawa at 12 pa tinuluyan ng Ombudsman

Ipinagharap ng reklamong katiwalian sa Office of the Ombudsman ang mag-asawang dating Pasig City Mayor Robert Eusebio at Maribel kaugnay sa paggamit umano ng pon­do ng gobyerno sa panga­ngam­panya.

Inirekla­mo rin ng pagla­bag sa Code of Conduct and Ethical Stan­dards for Public Officials ang mga konsehal na sina Rod­rigo Asilo, Gre­gorio Rupisan, Jr., Rhichie Gerard Brown, Orlando Benito, Regino Bal­derama, Rosalio Martires, Fer­dinand Avis, Wilfredo Sityar at Iyo Christian Ber­nardo.

Ganundin sina acting City Council Secretary Rey­naldo San Buenaventura at Pamplona, Camarines Sur Mayor Augustus Caesar Cruz.

Batay sa reklamong ini­hain ng Tambuli ng Mama­mayan ng Pasig, Inc., pu­masok ang Pasig City sa isang sisterhood agreement sa Pamplona, Camarines Sur noong Mayo 2018 at ginawa umano ito dahil tatakbo si Ma­ri­bel sa pagka-kongre­sista sa ikalawang distrito.

Pumirma umano si Eu­sebio ng disbursement vou­cher para sa P25 milyong donasyon sa siyudad sa Pamplona noong Agosto 22, 2018 at ang tseke ay iniabot umano ni Maribel.

Hindi umano malinaw ang dahilan sa pagbibigay ng Pasig ng donasyon at ang ba­sehan ng pagpili sa Pam­plona para makinabang dito.