Ibinulgar na pork barrel insertions, sablay.. Lacson, pinagso-sorry ng mga Cong.

Pinagso-sorry si Senador Panfilo ‘Ping’ Lac­son kaugnay sa pag-aakusa nito sa Kamara na pagsisingit ng multi-bilyong pisong pork barrel sa panukalang 2020 National Budget.

Ayon kay Capiz Con­gress­man Fredenil Castro, mali at walang basehan at walang mailabas na ebiden­siya ang senador sa paratang nito na may tig-P1.5 bilyon para sa mga deputy Speaker at P700 milyon sa bawat kongresista.

Sa kanyang privilege speech sa plenaryo, tinawag nitong reckless at irespon­sable si Lacson ngunit, hindi naman niya maituturing na sinungaling ang senador.

“In order to confirm that indeed he is a soldier, Sen. Lacsopn could be sensible enough to realize what he has done and what he has da­maged this institution by extending an apology, a sincere apology to this ins­titutional and to all members of this House of Representa­tives,” ani Castro.

Aniya, sana ay tinanong muna ni Lacson ang mga dating kasamahan nito sa Senado na ngayon ay sina Spea­ker Alan Peter Cayeta­no at Antique Rep. Loren Le­garda kung totoo ang na­sagap na tsismis.

Tinawag din ni Castro na isip-bata o immature si Lac­son at hindi rin katanggap-tanggap ang pagdadahilan na ang ibinulgar na pork bar­rel insertions ay plano palang at hindi itinuloy.

“Sen. Ping, halatang-halata naming palusot mo na itong bago mong sina­sabi. Aminin mo na nakur­yente ka. Kaya’t mag-sorry ka sa amin dahil ang mga mali mong alegasyon ay nakakasira hindi lamang sa reputasyon ng bawat mam­ba­batas kundi ng imahe ng institusyon ng Kongreso,” ayon pa kay Castro.

Naniniwala rin si House Minority Leader Bienve­nido Abante, Jr., na nararapat na humingi ng paumanhin ang senador sa mga mamba­ba­tas at sa institusyon na na­sira ang imahe sa maling pagbu­bunyag nito.

Sinabi naman ni House Majority Leader Martin Ro­mualdez na walang kato­to­hanan ang mga alegasyon ni Lacson at hiniling sa se­nador na pangalanan niya ang pinagkuhanan ng maling impormasyon.

Ayon naman kay Senior Deputy Majority Leader Je­sus Crispin Remulla, nag­tataka siya kung saan naku­ha ni Lacson ang mga para­tang na para bang ang punto ay siraan lamang ang imahe ng Kamara sa halip na maki­pag­tulungan na lamang para maisulong ang mga progra­mang reporma ng pangulo.