Kasunod ng pagkamatay ng kadete sa hazing.. Head ng PMA, nag-resign

Dahil sa iskandalo na bumalot sa Philip­pine Mili­tary Academy (PMA) kaug­nay sa pagkamatay sa hazing ng kanilang kadete na si 4th Class Cadet Darwin Dor­mitorio, tuluyan nang nag-resign sa puwesto ang dala­wang pinuno ng naturang akademya.

Kahapon nang mag-anunsiyo si PMA Superin­tendent Lt. Gen. Ronnie Evan­gelista na nakahanda siyang magbitiw sa puwesto at una nang naghain ng kan­yang resignation letter kay outgoing Armed Forces of the Phi­lippines (AFP) Chief of Staff General Ben­jamin Madrigal, Jr. na mabilis na­mang tinang­gap ang kahili­ngan.

Kasabay din na nagbitiw sa kanyang po­sisyon si Brig. General Bartolome Vicente Bacarro bilang Commandant of the Corps of Cadets.

Sa hiwalay na pahayag mula kay Bacarro, sinabi nitong boluntaryo ang kan­yang pag­baba sa puwesto dahil na rin sa command responsibility.

Samantala, pinangalanan na rin ng PMA ang tatlong pangunahing kadete na sang­kot sa pagpapahirap at pam­bubugbog sa pa­mama­gitan ng hazing na dahilan ng pagka­matay ni Dormitorio noong September 18, 2019.

Ito ay sina 3rd Class Ca­dets Shalimar Imperial, Felix Lambag at Cadet 1st Class Axl Ray Sanupco, na pa­wang sinampahan na ng ka­song kriminal kahapon sa Ba­guio City Prosecutors’ Of­fice.

Sa pagbubunyag ni Ba­carro, pinilit uma­no ni Sa­nup­co sina Imperial at Lam­bag na saktan ang plebong si Dormitorio, batay na rin sa kanilang official investiga­tion report.

Samantala, ang squad leader na si Cadet 2nd Class Nickoel Tamil ay isinama na rin sa pagkakasangkot sa hazing dahil sa com­mand responsibility.

Sinuspinde rin sa kani-kanilang mga klase sina Ca­det 1st Class Irvin Sayud (pla­toon leader), Cadet 1st Class Elbert Lucas (com­manding officer), Cadet 1st Class Christian Correa (floor inspector) at ang kanilang tac­tical group com­manders na sina Major Rex Bolo at Captain Jeffrey Ba­tistiana.

Sinuspinde na rin ang commanding officer ng station hospital ng PMA na si Col. Cesar Candelaria at ang attending physician nito na si Captain Flor Apostol, ang doktor na siyang tumi­ngin kay Dormitorio bago ito namatay.

Ito umano ang kauna-unahang pagka­kataon na may dalawang pinuno ng PMA ang magkasabay na bumaba sa puwesto at pag-relived na rin sa mga sangkot sa iskandalo ng hazing sa ka­saysayan ng akademya.