3 Pulis in-ambush

Tatlong pulis kabi­lang ang isang senior official na nakatakda sanang mag­programa sa isang lokal na radio network station ang su­gatan makaraang tambangan ng armadong grupo sa So­corro sa Oriental Mindoro, kamakalawa.

Nasa ligtas nang kala­ga­yan si Pinamalayan Munici­pal Police Station Deputy Commander Chief Master Sergeant Ivan Fortus at kan­yang dalawang tauhan na sina Senior Master Sergeant Irene Lazo at Corporal Ivy Carmona.

Ayon kay Police Lt. Col. Socrates Fataldo, lulan sa kanilang police mobile patrol ang mga biktima nang rat­ratin ng hindi pa mabatid na bilang ng armadong kalala­kihan sa bahagi ng Bgy. Pasi Dos, pasado alas-7:00 ng umaga.

Bago ang pananambang, isang malakas na pagsabog muna ang umalingawngaw sa dinaraanan ng patrol car na ayon sa mga testigo ay isang granada na ibinato ng mga suspek.

Sa kabila ng tiyak na ka­matayan ay nagawang ma­iwasan at tuluyang maka­layo ang mga biktima sa am­bush site.

Sinasabing kasama ng mga pulis ang isang barangay captain sa police patrol car nang mangyari ang insidente.

Hinihinalang mga kasapi ng New People’s Army (NPA) ang nagsagawa ng ambush habang patuloy pa ang imbestigasyon sa insi­dente.