Nakunan sa panaginip sign na maselan ang pagbubuntis

Socrates Magnus

Salaminin natin ang pa­naginip ni Thel ng Ethel _Noval@facebook.com

Dear Professor,

Apat na buwan na akong buntis at nanaginip ako na maliligo na raw ako, tapos, biglang nalag­lag ang baby ko kasama ang inunan pero, bu­hay pa ‘yung baby at gu­ma­galaw.

Tinatawagan at tinext ko ang asawa ko pero hindi siya sumasagot. Hindi ko na alam ang gagawin ko at iyak ako nang iyak hang­gang sa nagising ako at tumayo.

Hinahanap ko ‘yung sanggol pero pana­ginip lang pala ang lahat ng ‘yun. Ano ang ibig sabihin ng panaginip ko?

Maraming salamat po!

Naghihintay,

Thel

Sa iyo, Thel,

Ayon sa iyong panagi­nip, maselan ang pagbubun­tis mo. Ibig sabihin, kailangan ng pampakapit ng baby mo.

Narito ang iba mo pang kailangan:

1. Cellphone numbers ng iyong OB-Gyne.

2. Kasama sa bahay pero huwag ang mga maid. Ma­gandang ang isama mo ay mga nakatatandang kaanak na may karanasan na sa panganganak.

3. Libangan habang nasa bahay. Ibig sabihin, kung may trabaho ka, kailangan mo munang mag-leave.

4. Bawal kang manood ng mga palabas na makapag­papataas ng adrenalin mo, gayundin, bawal ang mga show na maaaring maka­pag­patawa nang sobra sa iyo.

5. Isa lang ang paniwa­laan mo at hingan ng payo at ito ay ang iyong pinagkakati­walaang OB-Gyne.

6. Huwag kang tumulad sa iba na napagagalitan ng kanilang OB dahil nakikinig at naniniwala sila sa mga na­ba­basa at nakikita sa internet.

7. Kumain ka ng mga gulay kahit hindi ka lumaki na kumakain ng mga gulay. Sa ngayon, kahit hindi ka sanay kumain ng mga ito, magsakripisyo ka para sa baby mo.

Mabuting makinig sa payo ng panaginip dahil ang mga ito ay hindi nagsisinu­ngaling. Kaya muli, kailangan mong magdoble-ingat sa iyong pagbubuntis.

Hanggang sa muli,

Professor Seigusmundo del Mundo