Mga taong kuwatro, mahihirapan muna bago magtagumpay at yumaman

Maestro Honorio Ong

Dear Maestro,

November 22, 1986 ang birthday ko. Ano ang ibig sabihin ng birthday ko, ma­las ba ito o suwerte? Kasi ka­hit ano ang gawin kong pagsisikap, palaging may pagsubok na dumarating sa buhay ko. Paano ko mai­iwa­san ang mga kamala­san at paano kaya ako su­su­wertehin?

Umaasa,

Eloisa ng San Juan, Agno, Pangasinan

Dear Eloisa,

Talagang ganyan ang mga taong may bitbit na nu­me­rong 22 o 4 (ang 22 ay 2+2=4) sapagkat sila ay idi­naraan ng tadhana sa mga pagsubok upang kapag na­lag­pasan n’yo ‘yan, mala­king tagum­pay ang kasunod na tiyak na magpasasaya sa inyo. Para ring mga taong otso ang bu­hay ng mga ta­ong kuwatro dahil ang 4+4 ay 8. Pero, mas masaya ang mga taong ku­watro kung iku­kumpara sa taong otso.

Kung ang taong otso ay yumayaman, ang taong ku­watro ay ganundin. At iyon ang hindi alam ng mga taong kuwatro. Nakatakda silang yu­maman sa panahong ita­takda ng tadhana kaya ma­­raming pagsubok ang duma­rating sa kanilang bu­hay. Kum­baga, sa isang ma­ru­­ming ginto na napulot sa ilog, kailangan muna itong salain upang kuminang at maging mamahaling alahas.

Sa paggawa ng espada, walang iniwan sa pangkara­niwang bakal. Kailangan itong pukpukin nang husto, ida­rang sa napakainit na apoy at muling pupukpukin hang­gang sa kuminang. Kapag ma­talim na ang nasabing bakal, muli itong hahasain upang ku­minang at doon mo maa-ap­preciate ang kan­yang ganda kung saan ang maruming bakal ay naging maningning na espada.

Ganyan ang nagiging buhay ng mga taong ku­watro at otso, habang pinu­pukpok nang pinupukpok ng mga pagsubok sa buhay, mabilis silang tumatakbo at sumu­suko. Hindi pa sila na­giging ganap na espada, wa­sak na agad ang kanilang pagkatao. Ano ngayon ang dapat gawin ng mga taong otso at kuwatro upang ma­kamit ang kanilang “full po­tential” sa buhay na inilaan ng tadhana?

Para sa mga taong ku­watro, sa panahong binibira kayo ng mga pagsubok, hin­di masamang kumapit sa pre­sen­siya ng Diyos. Hindi lehi­timong Diyos ang sina­sabi natin dito kundi ang hi­waga ng ritwal ng relihiyon. Kahit anong relihiyon, basta ang ma­halaga ay ma-involve kayo sa samahang sibiko o pang-espiritwal na gawain na may layuning tumulong sa kapwa at nanganga­ila­ngan.

Ang samahang iyon ang magsisilbing “outlet” ninyo upang mabawasan ang mga kamalasang duma­rating sa inyong buhay. Isang hindi nakikitang “outlet” upang ma-dispose ang in­yong mga problema at unti-unting ma­parami ang mga kamalasang kinahaharap sa kasalu­ku­yan. Habang nasa isang pang­kat kayo ng sa­mahang pangreli­hiyon, da­pat n’yo ring iwa­san ang kai­moralan at pagla­bag sa ba­tas. Sa ganu’ng pa­raan, unti-unti na kayong su­su­wertehin at magtatagum­pay sa buhay.

Kaya sa mga taong ku­watro na bigo sa buhay sa nga­­yon, may panahon pa kayo upang sumali sa civic organization na may layu­ning tumulong sa kapwa at maglingkod sa mga mahihi­rap. Sa pamamagitan ng rit­wal ng samahang iyon, ma­kakamit ninyo ang kapa­na­tagan ng puso at isi­pan, gayundin ang kapahi­ngahan ng inyong puso na mag­da­dala sa inyo sa mala­king ta­gumpay at wagas na kali­gayahan.

Sa kaso mo, Eloisa, bu­kod sa nasabing simpleng pang-alis ng kamalasan sa itaas, puwede ka ring mag­suot ng kulay dilaw, pula, powder blue at violet. Sa pa­mamagitan ng mga kulay na nabanggit, madali mong ma­sasagap ang suwerte at ma­gan­dang kapalaran.

Habang, ayon sa Deca­dens ng Kapalaran, kung ngayon pa lang ay susundin mo na ang mga simpleng su­hestiyong nabanggit, tiyak ang magaganap, sa taong 2020 sa edad mong 34 pata­as, makaaahon ka na sa mga problema at mabibigat na pag­­­subok ng buhay hang­gang sa unti-unti ka nang umunlad, magiging masa­gana, mali­gaya at mata­gum­­­pay, habam­buhay.