Miyembro ng basag-kotse, todas sa pulis

Todas ang isang miyem­bro ng Basag-Kotse makaraang man­laban sa mga tauhan ng Manila Police District-Sta­tion 9 nang sita­hin mata­pos maaktuhan sa tang­kang pagbasag sa sala­min ng isang sasak­yan, kahapon ng mada­ling-araw sa Malate, Ma­nila.

Inilarawan ni PLt. Col. Rchard Ian Ang, ang suspek na nasa edad 30-35, may tattoo sa dibdib na Boy Cadua at Charben Duarte sa tiyan, nakasuot ng itim na t-shirt at purple na shortpants na namatay dahil sa tama ng mga bala sa katawan.

Batay sa imbesti­gas­yon, ala-1:45 ng mada­ling-araw nang mangyari ang insidente sa nabang­git na lugar. Nauna rito, nagsa­sagawa ng anti-crimi­nali­ty operation ang mga tauhan ng MPD-PS 9 nang pagsapit sa lugar ay nakita ang suspek sa ak­tong binabasag ang pas­sen­ger window ng itim na To­yota Fortuner na naka­parada.

Sinita umano ng mga pulis ang suspek at sa aktong aarestuhin ay bumunot ng baril at pina­putukan ang mga pulis na nagmintis dahilan para gumanti ang mga awto­ridad dahilan kaya tina­maan ang suspek.

Dinala pa ng crew ng MC 178 na si PCpl. Jeffrey Espino, ang sus­pek sa Ospital ng Maynila pero, idinek­la­rang dead on arrival.

Narekober mula sa sus­pek ang .38 revolver at anim na bala.